मोरङको सुन्दरहरैँचामा हात्तीले आक्रमण गर्दा वृद्धाको मृत्यु 

विराटनगर । मोरङको सुन्दरहरैँचामा हात्तीको आक्रमणबाट एक वृद्धाको मृत्यु भएको छ ।  जङ्गलमा घाँसदाउरा लिन गएकी सुन्दरहरैँचा-५ की ६० वर्षीया चन्द्रकला लिम्बूको हात्तीको आक्रमणबाट मृत्यु भएको हो ।

सोमबार साँझ उनी घाँसदाउरा लिन जङ्गल गएकी थिइन् । उनी घर नफर्किएपछि खोज्न गएका स्थानीयले आज बिहान मृत भेट्टाएका थिए ।

Advertisement

‘हात्तीको आक्रमणबाट वृद्धाको मृत्यु भएको पुष्टि भएको छ’, जिल्ला प्रहरी कार्यालय मोरङका प्रवक्ता डीएसपी वेद प्रकाश जोशीले संगालोखबरसँग भने, ‘अहिले मृतकको शव पोष्टमार्टमका लागि कोशी अस्पतालमा राखिएको छ ।’