धनकुटामा बालिकालाई जबरजस्ती करणी गरेको अभियोगमा एक जना पक्राउ

धनकुटा । धनकुटामा १४ वर्षीया बालिकालाई जबरजस्ती करणी गरेको अभियोगमा एक जना पक्राउ परेका छन् । चौबिसे गाउँपालिका-२ का २५ वर्षीय मेख बहादुर लिम्बूलाई पक्राउ गरिएको जिल्ला प्रहरी कार्यालय धनकुटाले जनाएको छ ।

बालिकालाई ललाइफकाई जबरजस्ती करणी गरेको भन्ने उजुरीका आधारमा प्रहरी चौकी मुढेबासबाट खटिएको टोलीले सोमबार उनलाई नियन्त्रण लिएको हो ।

चौबिसे गाउँपालिका-६ राजारानीको मिकलुक होटलमा लगेर पुस ८ गते बालिकालाई जबरजस्ती करणी गरेको उजुरी परेपछि उनलाई पक्राउ गरिएको जिल्ला प्रहरी कार्यालय धनकुटाका प्रहरी निरीक्षक विष्णु खड्काले जानकारी दिए ।

पक्राउ परेका लिम्बूलाई जिल्ला प्रहरी कार्यालय धनकुटामा राखिएको छ । थप अनुसन्धानका लागि आज अदालतबाट म्याद थप गर्ने तयारी भइरहेको प्रहरी निरीक्षक खड्काले संगालोखबरलाई जानकारी दिए ।