संगालोखबर 
विराटनगर । विराटनगर-११ वसपार्कमा सफारी चालकमाथि खुकुरी प्रहार भएको छ । हिजो राति करिब साढे १० बजेतिर खुकुरी प्रहार भएको मोरङ प्रहरीले जनाएको छ ।
खुकुरी प्रहारबाट सफारी चालक विराटनगर-१२ का विजय कामत घाइते भएका छन् । उनको बायाँ हातमा चोट लागेको प्रहरीले जनाएको छ ।
Advertisement
सफारी चालकमाथि खुकुरी प्रहार गर्ने विराटनगर-११ का रेगन कट्टेललाई नियन्त्रणमा लिइएको मोरङ प्रहरीका प्रवक्ता डीएसपी वेद प्रकाश जोशीले जानकारी दिए ।
कट्टेलमाथि ज्यान मार्ने उद्योगमा मुद्दा दर्ता गरेर अनुसन्धान सुरु गरिएको डीएसपी जोशीको भनाइ छ । ‘हामीले अनुसन्धान गरिरहेका छौं’, डीएसपी जोशीले संगालोखबरसँग भने, ‘घटनाको कारण खुल्न बाँकी छ । अनुसन्धान पछि सबै कुरा खुल्ने छ ।’
