मोरङको ग्रामथानमा मोटरसाइकल दुर्घटना हुँदा दुई जनाको मृत्यु

विराटनगर । मोरङको ग्रामथान गाउँपालिका-२ झोराहाटमा मोटरसाइकल दुर्घटना हुँदा दुई जनाको मृत्यु भएको छ । हिजो राति करिब १२ः१० बजेको समयमा विराटनगरबाट विराटचोकतर्फ जाादै गरेको प्रदेश १-०४-००२ प १९०१ नम्बरको मोटरसाइकल अनियन्त्रित भएर नहरको पुलमा ठोक्किएको थियो ।

दुर्घटनामा मोटरसाइकल चालक कटहरी गाउँपालिका-१ का २२ वर्षीय आशिक मरिक र मोटरसाइकल पछाडि सवार ४५ वर्षीय उमेश मरिकको मृत्यु भएको हो । उनीहरू बाबु-छोरा रहेको प्रहरीले जनाएको छ ।

दुर्घटनामा गम्भीर घाइते भएका उनीहरूलाई उपचारका लागि विराट नर्सिङ होम पुर्‍याइएकोमा प्रहरीले मृत घोषणा गरेका दिए । तीब्र गतिका कारण मोटरसाइकल दुर्घटनामा परेको प्रहरीले जनाएको छ ।