मोरङको सुन्दरहरैँचामा पिकअपले ठक्कर दिँदा मोटरसाइकल चालकको मृत्यु

विराटनगर । मोरङको सुन्दरहरैँचा नगरपालिका-१ पचाम स्थित घिनाघाट-विराटचोक सडकखण्डमा पिकअपले ठक्कर दिँदा मोटरसाइकल चालकको मृत्यु भएको छ ।

हिजो साँझ सात बजेतिर विराटनगरबाट विराटचोक तर्फ जाँदै गरेको प्रदेश १-०४-००१ च ०९९५ नम्बरको पिकअपले विराटनगरतर्फ आउँदै गरेको बा ९८ प ६७०८ नम्बरको मोटरसाइकललाई ठक्कर दिएको थियो ।

पिकअपको ठक्करबाट मोटरसाइकल चालक विराटनगर-१० का २४ वर्षीय हर्ष ढकाल गम्भीर घाइते भएको थिए । उनको उपचारका क्रममा कोशी अस्पतालमा मृत्यु भएको प्रहरीले जनाएको छ ।

पिकअप चालक मोरङको बुढीगंगा गाउँपालिका-३ का २९ वर्षीय जीवन पराजुलीलाई इलाका प्रहरी कार्यालय हरैँचाले नियन्त्रणमा लिएको छ । तीब्र गतिमा रहेको पिकअपका कारण दुर्घटना भएको प्रहरीले जनाएको छ ।