विराटनगरका कृषकलाई अनुदानमा गहुँको बीउ

विराटनगर । विराटनगर महानगरपालिकाले ५० प्रतिशत अनुदानमा कृषकलाई गहुँको बीउ उपलब्ध गराएको छ । आज कृषकहरूलाई महानगरले उन्नत जातको गहुँको बीउ उपलब्ध गराएको हो ।

कृषि अधिकृत खगेश्वर तिम्सिनाका अनुसार १० हजार पाँच सय २६ किलो बीउ वितरण गरिएको छ । उक्त बीउले ६० हेक्टर जमिनमा खेती गर्न सकिन्छ ।  महानगरका दुई सय ६२ घरधुरीलाई बिउ वितरण गरिएको तिम्सिनाले बताए ।

Advertisement

महानगर क्षेत्रभित्र एक हजार तीन सय ७५ खेतीयोग्य जमिन रहेमा दुई सय ५० हेक्टर क्षेत्रफलमा गहुँ खेती हुँदै आएको छ । यसअघि महानगरले ५० प्रतिशत अनुदानमै उन्नत जातको मकैको बीउ पनि उपलब्ध गराएको थियो ।