धनकुटा बजारमा कुकुरले डुलाउँदै गर्दा भेटियो मान्छेको मृत भ्रूण

धनकुटा । धनकुटा नगरपालिका-७ यलम्बर चोकमा आज मान्छेको मृत भ्रूण फेला परेको छ । यलम्बर चोकस्थित सडकमा करिब तीन महिनाको गर्भावस्थाको बच्चा मृत अवस्थामा फेला परेको हो ।

आज बिहान करिब ९ बजे कुकुरले डुलाउँदै गरेको अवस्थामा मृत भ्रुण फेला परेको धनकुटाका प्रहरी निरीक्षक विष्णु खड्काले जानकारी दिए । ‘हामीले कानुनी प्रकृया अनुसार भ्रूणलाई पोष्टमार्टमका लागि जिल्ला अस्पताल लगेका छौँ,’ प्रहरी निरीक्षक खड्काले संगालोखबरसँग भने, ‘भ्रूण सानो भएकाले छोरा/छोरी के हो भन्ने पनि छुटिएको छैन ।’

Advertisement

भ्रूण फेला परेपछि स्थानीयवासीले प्रहरीलाई खबर गरेका हुन् । कसको गर्भ हो र किन फालियो भन्ने खुलेको छैन ।