![](https://sangalokhabar.com/wp-content/uploads/2021/10/makuna-hatti-death.jpg)
विराटनगर । सुनसरीको बराहक्षेत्र नगरपालिका–२ स्थित कौशिका सामुदायिक वन क्षेत्रभित्र आज एउटा हात्ती मृत अवस्थामा फेला परेको छ । करिव ३०–४० वर्षको देखिने मत्ता हात्ती बिहान ६ बजे मृत अवस्थामा फेला परेको हो ।
हात्ती दुर्गन्धित अवस्थामा फेला परेकाले तीन दिन अघि मरेको हुन सक्ने अनुमान गरिएको छ । हात्तीका दुईवटा दाह्रा छन् । हात्तीका कानमा तीनवटा प्वाल र ट्याग पनि देखिन्छ ।
हात्ती भारतबाट आएको हो अथवा कोशीटप्पु वन्यजन्तु आरक्षबाट आएको हो भनेर यकिन गर्न बाँकी रहेको सवडिभिजन वन कार्यालय नडाहाले जनाएको छ ।