विराटनगर । प्रदेश १ मा पछिल्लो २४ घण्टामा ७६९ जना कोरोना संक्रमित थपिएका छन् । १ हजार ५२९ जनाको पीसीआर परीक्षण गर्दा ३९३ र १ हजार ७५१ जनाको एन्टिजेन परीक्षण गर्दा ३७६ जनामा संक्रमण पुष्टि भएको सामाजिक विकास मन्त्रालयले जनाएको छ ।
Advertisement
मन्त्रालयका अनुसार पीसीआर परीक्षणका आधारमा झापामा १३६, सुनसरीमा १०८, मोरङमा १०४, धनकुटामा १२, इलाममा ११, तेह्रथुममा ५, संखुवासभा र भोजपुरमा ४–४, उदयपुरमा ३ र पाँचथरमा २ जनामा संक्रमण देखिएको छ । प्रदेश १ का ल्याबमा गरिएको परीक्षणमा प्रदेश १ बाहिरका ४ जनामा संक्रमण देखिएको छ ।
झापाको दमकमा २९, विर्तामोडमा २६, भद्रपुरमा २४, कनकाईमा २१, अर्जुनधारामा ११, मेचीनगरमा ६, शिवसताक्षीमा ५, गौरादह र कमल गाउँपालिकामा ४–४, बुद्धशान्तिमा ३, हल्दिबारी, बाह्रदशी र झापा गाउँपालिकामा १–१ जना संक्रमित थपिएका छन् । सुनसरीको इटहरीमा ५५, धरानमा ४१, इनरुवा, रामधुनी र बराहक्षेत्रमा ३–३, दुहवी, गढी र बर्जुमा १–१ जनामा संक्रमण पुष्टि भएको छ । मोरङको विराटनगरमा ४१, बेलबारीमा १८, उर्लाबारी र पथरीशनिश्चरेमा १३–१३, बुढीगंगा र मिक्लाजुङमा ४–४, लेटाङ, सुन्दरहरैचा र ग्रामथानमा २–२, केराबारी, कानेपोखरी, रंगेली, रतुवामाई र स्थानीय तह नखुलेका १–१ जनामा संक्रमण देखिएको छ ।
धनकुटाको धनकुटा नगरपालिकामा १० र पाख्रीवास नगरपालिकामा २, इलामको इलाम नगरपालिकामा ५, चुलाचुली, सुर्योदय र स्थानीय तह नखुलेका २–२, तेह्रथुमको म्याङलुङमा ४ र फेदापमा १, संखुवासभाकोे खाँदबारी र धर्मदेवीमा १–१ र स्थानीय तह नखुलेका २, भोजपुरको भोजपुर नगरपालिकामा ३ र ट्याम्केमयुङमा १, उदयपुरको त्रियुगामा २ र स्थानीय तह नखुलेका १, पाँचथरको फाल्गुनन्द र फिदिममा १–१ जनामा संक्रमण पुष्टि भएको छ ।
यसैबीच, प्रदेश १ मा आज ६७५ जना कोरोना संक्रमित संक्रमणमुक्त भएका छन् । संक्रमणमुक्त हुनेमा ३ सय महिला र ३७५ पुरुष छन् । पछिल्लो २४ घण्टामा प्रदेश १ मा कोरोना संक्रमणबाट २ महिला र ३ पुरुष गरी ५ जनाको मृत्यु भएको सामाजिक विकास मन्त्रालयले जनाएको छ ।
