विराटनगर । विगत २४ घण्टाको अवधिमा प्रदेश १ मा ३८७ जनामा कोरोना संक्रमण भएको छ । १ हजार ११४ जनाको पीसीआर परीक्षण गर्दा २८३ र ६४२ जनाको एन्टिजेन परीक्षण गर्दा १०४ जनामा संक्रमण देखिएको सामाजिक विकास मन्त्रालयले जनाएको छ । मन्त्रालयका अनुसार पीसीआर परीक्षणका आधारमा झापामा ९८, सुनसरीमा ९४, मोरङमा ७६, इलाममा ५, संखुवासभामा ३, भोजपुर र धनकुटामा २/२, ओखलढुङ्गा, उदयपुर र प्रदेश १ बाहिरका १/१ जनामा संक्रमण देखिएको हो ।
Advertisement
झापाको दमकमा २२, विर्तामोडमा २०, बुद्धशान्ति र कनकाईमा ९/९, गौरादहमा ८, मेचीनगरमा ७, भद्रपुर र अर्जुनधारामा ६/६, शिवसताक्षीमा ५, बाह्रदशी र कमल गाउँपालिकामा २/२, गौरीगञ्ज र स्थानीय तह नखुलेका १/१ जना संक्रमित भएका छन् । त्यस्तै सुनसरीको इटहरीमा ६४, धरानमा १६, रामधुनीमा ५, बराहक्षेत्रमा ४, इनरुवामा २, दुहवी, हरिनगर र कोशी गाउँपालिकामा १/१, मोरङको विराटनगरमा ४३, सुन्दहरैचामा १०, केराबारीमा ७, उर्लाबारीमा ६, लेटाङमा ३, बुढीगंगा, बेलबारी र पथरीशनिश्चरेमा २/२, रतुवामाईमा १ जनामा संक्रमण देखिएको हो ।
यता, इलामको इलाम नगरपालिकामा ३, रोङमा २, संखुवासभाको मकालु, खाँदबारी र स्थानीय तह नखुलेका १/१, भोजपुरको भोजपुर नगरपालिकामा २, धनकुटाको धनकुटा नगरपालिकामा २, ओखलढुङ्गाको सिद्धिचरण, उदयपुरको त्रियुगा र प्रदेश १ बाहिरका १/१ जनामा संक्रमण पुष्टि भएको छ ।
प्रदेश १ मा आज ३९३ जना कोरोना संक्रमणमुक्त भएका छन् । संक्रमणमुक्त हुनेमा १९३ महिला र २०० पुरुष छन् । पछिल्लो २४ घण्टामा कोरोना संक्रमणबाट २ जनाको मृत्यु भएको छ । मृत्यु हुनेमा महिला र पुरुष १/१ जना रहेको मन्त्रालयले जनाएको छ ।
