न्याय नपाएको पूर्व प्रधानपञ्चको गुनासो, आफ्नै भाइ र डिएसपीलाई कारबाही माग

साविकको शनिश्चरे गाविसका पूर्व प्रधानपञ्च जितबहादुर गिरीले आफूमाथि अंगभंग हुनेगरि कुटपिट हुँदा पनि प्रहरीको असहयोगका कारण न्याय नपाएको गुनासो गरेका छन् । विराटनगरमा मंगलबार पत्रकार सम्मेलन गरेर पूर्व प्रधानपञ्च गिरीले कुटपिटमा संलग्न आफ्नै भाइ हरीबहादुरसहित इलाका प्रहरी कार्यालय पथरीशनिश्चरेका डीएसपी वेदप्रसाद गौतमलाई पनि कारबाहीको माग गरेका हुन् ।