धनकुटा । धनकुटा जिल्ला ब्याडमिन्टन संघले संगालोखबर अनलाइन मिडियाका प्रमुख सम्वाददाता सन्तोष सुवेदीसहित दुई पत्रकारलाई सम्मान गरेको छ । धनकुटामा आयोजित प्रदेश स्तरीय खुल्ला धनकुटा कप ब्याडमिन्टन प्रतियोगिता समापनका अवसरमा सोमबार संगालोखबरकर्मी सुवेदी र नेपाल टेलिभिजनका सम्वाददाता विदुर खवासलाई सम्मान गरिएको हो ।
Advertisement
प्रतियोगिताको प्रचार प्रशारमा उल्लेखनिय भूमिका निर्वाह गरी खेलकुद क्षेत्रको विकासमा सहयोग पुर्याएको भन्दै पत्रकार सुवेदी र खवासलाई सम्मान गरिएको ब्याडमिन्टन संघले जनाएको छ ।
कार्यक्रममा नेपाल ब्याडमिन्टन संघका केन्द्रिय अध्यक्ष रामजी बहादुर श्रेष्ठ, प्रतियोगिताका संयोजक किरण प्रधान र अध्यक्ष यज्ञश्वर श्रेष्ठ लगायतले दुवै पत्रकारलाई दोसल्ला ओढाएर प्रशंसा पत्र प्रदान गरी सम्मानित गरे ।
धनकुटा जिल्ला ब्याडमिन्टन संघको आयोजनामा तीन दिनसम्म सञ्चालित प्रथम प्रदेश नं.१ स्तरीय धनकुटा कप ब्याडमिन्टन प्रतियोगिता सोमबार सम्पन्न भएको हो ।
