काठमाडौं । नेकपा एमालेले पुस २३ गते जिल्ला अधिवेशन र माघ ८ गते प्रदेश अधिवेशन गर्ने भएको छ । शनिबारदेखि सुरु भएको एमाले केन्द्रीय कमिटीको बैठकले देशभरका जिल्ला अधिवेशन एकैदिन गर्ने निर्णय गरेको हो । त्यस्तै, सात वटै प्रदेशको प्रदेश अधिवेशन पनि एकै दिन गर्ने निर्णय भएको एमालेले जनाएको छ ।
Advertisement
यसअघि एमालेले देशभर वडा अधिवेशन एकैदिन र पालिका अधिवेशन पनि एकै दिन गरेको थियो । भक्तपुरस्थित जर्मन पार्टी प्यालेसमा सुरु भएको बैठकमा पार्टीको १० औं राष्ट्रिय महाधिवेशनको समीक्षा पनि गरिएको छ । यसअघि शपथ लिन छुटेका केन्द्रीय सदस्यहरूलाई बैठकअघि शपथग्रहण गराउँनुका साथै केन्द्रीय सदस्यहरूलाई प्रमाणपत्र वितरण गरिएको छ ।
आइतबार बिहान ११ बजे पुनः बैठक बस्दैछ । बैठकमा स्थायी कमिटी गठन, पोलिटब्युरो गठन, केन्द्रीय सदस्यहरूको कार्यविभाजनसहित विभिन्न एजेन्डामा छलफल हुँदैछ ।
