विराटनगर । मोरङको विराटनगर महानगरपालिका–१७ मटेरुवाबाट मोटरसाइकल चोरीमा संलग्न एक जना पक्राउ परेका छन् । पक्राउ पर्नेमा सुनसरीको रामधुनी नगरपालिका–३ घर भई विराटनगर–११ मा डेरा गरी बस्ने २८ बर्षीय उमेश दाहाल छन् ।
Advertisement
आइतबार राती साढे ८ बजे कोशी अस्पताल परिषरमा पार्किङ गरी राखेको को. २५ प ५०२४ नम्बरको बुलेट मोटरसाइकल चोरी भएको थियो । प्रहरी चौकी मटेरूवाबाट खटिएको टोलीले मोटरसाइकल खोजी गर्ने क्रममा भारतका जोगवनीतर्फ लैजाँदै गरेको अवस्थामा मोटरसाइकलसहित दाहाललाई पक्राउ गरेको हो ।
पक्राउ परेका दहाललाई मोरङ जिल्ला अदालतबाट चोरी कसूरमा म्याद थप गरी अनुसन्धान भइरहेको प्रहरीले जनाएको छ ।
