विराटनगर । नेपाली बजारमा आइतवार सुनचाँदीको मूल्य बृद्धि भएको छ । अघिल्लो साता मूल्य घटेको भएपनि यो साताको पहिलो दिन नै सुनचाँदीको मूल्य उकालो लागेको हो ।
Advertisement
सुनको भाउ प्रतितोला एक हजार रुपैयाँले बृद्धि भएको छ । मूल्य बढेर प्रतितोला ९० हजार ७ सय रुपैयाँमा कारोवार भइरहेको नेपाल सुनचाँदी व्यावसायी महासंघले जनाएको छ ।
शुक्रबार नेपाली बजारमा सुन प्रतितोला ८९ हजार ७०० रुपैयाँमा कारोवार भएको थियो । आइतवार तेजाबी सुनको मूल्य पनि बढेर ९० हजार २०० सय रुपैयाँमा कारोवार भइरहेको छ ।
चाँदीको मूल्य पनि बढेर एक हजार २०५ रुपैयाँमा कारोवार भइरहेको महासंघले जनाएको छ ।
