ओखलढुंगा । बर्षासँगै आएको बाढीले ओखलढुंगाको चम्पादेवी गाउँपालिका–३ शिल्खुबेसीका ६ वटा घरमा क्षति पुर्याएको छ । बाढीले ७ वटा पशु चौपाया बगाएको छ ।
Advertisement
सिल्खुमाथि खनेको कच्ची सडक र खहरेमा जम्मा भएको भेल शनिवार दिउँसो पौने ४ बजे गाउँमा पसेर लाखौंको धनमालमा क्षति पुर्याएको हो । बाढीका कारण स्थानीय विद्यालय भवनमा पनि क्षति पुगेको छ ।
चम्पादेवि–३ सिल्खुवेसीका हरीप्रसाद सुबेदीको ३ वटा गाई, मोहन मगरको दुई वटा गोरू र मुनामाया बोगटीको २ वटा गाई पुरिएको जिल्ला प्रहरी कार्यालयले जनाएको छ ।
