धनकुटा । धनकुटा नगरपालिका–६ दिपाचौकमा शुक्रबार बिहान सुमो जीप दुर्घटना हुँदा पाँच जना घाइते भएका छन् । छथर जोरपाटी गाउँपालिकाको चुलाचुलीबाट इटहरी जाँदै गरेको को १ ज २४०६ नंम्बरको जीप बिहान ९ बजे दुर्घटना भएको हो ।
Advertisement
दुर्घटनामा परी छथर जोरपाटी–४ का २७ बर्षीय सुन्दर लिम्बु, ४४ बर्षीया हिम कुमारी भट्टराई, छथर जोरपाटी–३ का ३३ बर्षीय चालक कुमार लिम्बू, २२ बर्षीया रिङ्की लिम्बु र ५४ बर्षीया मन कुमारी लिम्बु घाइते भएका छन् ।
घाइते चालक कुमारलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको छ । बाँकी चार जनाको जिल्ला अस्पतालमा उपचार भइरहेको धनकुटाका प्रहरी प्रमुख गोबिन्द अधिकारीले जानकारी दिए ।
ओरालो सडकमा ब्रेक फेल भई जीप दुर्घटना भएको अनुमान गरिएको धनकुटाका ट्राफिक प्रहरी दिपक खड्काले बताए ।
