धनकुटा । धनकुटाका थप एक जनामा कोरोना संक्रमण पुष्टि भएको छ । महालक्ष्मी नगरपालिका–७ जीतपुरका ३० बर्षीय पुरुषमा कोरोना संक्रमण पुष्टि भएको हो । उनी विदेशबाट आएका हुन् ।
Advertisement
असार २६ गते साउदीबाट आएका उनी जीतपुरस्थित जनता माध्यमिक विद्यालयको क्वारेनटाईनमा थिए । उनीसहित २२ जनाको स्वाब संकलन गरी परीक्षणका लागि धरानस्थित बीपी कोईराला स्वास्थ्य बिज्ञान प्रतिष्ठान पठाईएको थियो ।
प्रतिष्ठानमा पीसीआर परीक्षणका क्रममा उनमा कोरोना संक्रमण देखिएको जिल्ला स्वास्थ्य कार्यालयका प्रमुख तुलसी गुरागाईँले संगालोखबरलाई जानकारी दिए । संक्रमितलाई उपचारका लागि मोरङको गोठगाउँस्थित कोरोना अस्पताल पठाईएको छ ।
यसअघि जीतपुरकै २४ बर्षीय युवामा पनि कोरोना संक्रमण भएको थियो । योसँगै धनकुटामा कोरोना संक्रमण पुष्टि भएकाको संख्या १५ पुगेको छ । जसमध्ये ११ जना निको भएर अस्पतालबाट डिस्चार्ज भएका छन् । बाँकी चार जनाको गोठगाउँस्थित कोरोना अस्पतालमा उपचार भईरहेको छ ।
यो पनि हेर्नुहोस्…
