धनकुटा । मोरङको गोठगाउँस्थित कोरोना अस्पतालमा उपचाररत धनकुटाका तीन जना निको भएर आज अस्पतालबाट डिस्चार्ज भएका छन् । महालक्ष्मी नगरपालिका–७ जीतपुरका २४ बर्षीय युवा, सहिदभूमी गाउँपालिका–२ का २८ बर्षीय युवा र छथर जोरपाटी गाउँपालिकाका ३९ बर्षीय पुरुष निको भएर डिस्चार्ज भएका हुन् ।
Advertisement
सहिदभूमी र छथर जोरपाटीका युवामा असार ३० गते र महालक्ष्मीका युवामा असार ३१ गते संक्रमण पुष्टि भएको थियो । संक्रमण पुष्टि भएको १० दिन भित्रै उनीहरु निको भएर अस्पतालबाट डिस्चार्ज भएका हुन् । योसँगै धनकुटामा कोरोना जितेर घर फर्किनेको संख्या ११ पुगेको छ ।
धनकुटाका बाँकी चार जना संक्रमित गोठगाउँस्थित कोरोना अस्पतालमा उपचाररत छन् । महालक्ष्मीका एक जना र छथर जोरपाटीका तीन जनाको उपचार भईरहेको छ । आज संक्रमण पुष्टि भएका महालक्ष्मीका पुरुष, हिजो संक्रमण पत्ता लागेका छथर जोरपाटी–२ का ४० बर्षीय पुरुष, छथर जोरपाटी–३ का ३३ बर्षीय पुरुष र असार ३० गते संक्रमण पुष्टि भएका छथर जोरपाटी–३ कै २८ बर्षीय युवाको उपचार भईरहेको हो ।
धनकुटामा हालसम्म कोरोना संक्रमण भएका व्यक्तिको संख्या १५ पुगेको छ ।
यो पनि हेर्नुहोस्…
