धनकुटा, २३ जेठ । छथर जोरपाटी गाउँपालिकामा बुधबार रक्तदान कार्यक्रम गरिएको छ । छथर जोरपाटी गाउँपालिका स्वास्थ्य शाखा र नेपाल बंगलादेश बैंकको आयोजनामा रक्तदान गरिएको हो ।
Advertisement
विश्व वातावरण दिवस तथा नेपाल बंगलादेश बैंकको २४ औं वार्षिकोत्सवको अवसरमा आयोजित रक्तदानबाट ९५ यूनिट रगत संकलन भएको कार्यक्रम संयोजक सुन्दरमान डंगोलले जानकारी दिए ।
नेपाल रेडक्रस सोसाइटीको सहयोग र रक्तसञ्चार सेवा केन्द्र धरानको प्राविधिक सहयोगमा कार्यक्रम गरिएको हो । कार्यक्रम पश्चात रक्तदातालाई प्रमाणपत्र बितरण गरिएको छ ।
सो अवसरमा छथर जोरपाटी गाउँपालिकाका अध्यक्ष शेरबहादुर लिम्वु, रेडक्रस जिल्ला शाखाका उपसभापति छत्रबहादुर अधिकारी, नेपाल बंगलादेश बैंक छथर जोरपाटी शाखाका प्रबन्धक टंक लिम्वु लगायतले खेर जाने रगतलाई कसैको ज्यान बचाउँन सदुपयोग गर्न सकिने भएकाले रक्तदान कार्यक्रमको महत्व रहेकोमा जोड दिएका छन् ।
