काठमाडौं, ५ माघ।जनता पोष्ट दैनिकले बाल यौनदुराचारी विदेशी नागरिकका लागि हिजोआज नेपाल ‘स्वर्ग’ बन्दै गएको समाचार छापेको छ । बाल यौन दुराचारीको सूचीामा युवजा मात्र होइनन्, बाजे उमेरका विदेशी नागरिक पनि छन् ।
अझ ४० काटेकाहरु यो कुलतमा बढी लागेको तथ्यांकले देखाउँछ । विदेशमा पारपाचुके वा अन्य कारणले एक्लो जीवन बिताउन बाध्य भएकाहरु नै यौनदुराचारीका रुपमा नेपाल भित्रिएका देखिन्छन् ।
Advertisement
केन्द्रीय बालकल्याण समितिको अध्ययनअनुसार ८७ प्रतिशत यौनदुराचार आफन्त र छिमेकीबाट हुने गरेका छन् भने बाँकी विदेशीबाट हुने गरेका छन् । शैक्षिक सामाग्री, कपडा, खेलौनालगायतका सामान वितरण गर्दा झ्याम्मिने गरिब र अशिक्षित बालबालिका दुराचारको बढी शिकार हुने गरेका समाचारमा उल्लेख छ ।
