संगालोखबर 
विराटनगर । सुनसरीको देवानगञ्ज गाउँपालिका-३ कप्तानगञ्जमा साउन १० गते राति भएको दुई समूहबीचको झडपमा गोली लागेर गम्भीर घाइते भएका अमित यादवको बायाँ हात काटिएको छ ।
काठमाडौंस्थित राष्ट्रिय ट्रमा सेन्टरमा उपचाररत यादवको सोमबार शल्यक्रियाका क्रममा बायाँ हात काटिएको परिवारले जनाएको हो ।
घटनामा यादवको बायाँ हात र कोखामा गोली लागेको थियो । विराटनगरमा प्रारम्भिक उपचारपछि थप उपचारका लागि उनलाई काठमाडौं लगिएको थियो ।
कप्तानगन्ज गोलीकाण्डमा घाइते भएका चार जनाको उपचार अझै जारी रहेको छ । तीन जनाको विराटनगरका अस्पतालमा उपचार भइरहेको छ ।
यसअघि उपचारकै क्रममा देवानगन्ज-३ का २१ वर्षीय रविन्द्रकुमार मेहताको पनि गोली लागेको बायाँ खुट्टा काटिएको थियो । स्वास्थ्य अवस्था जटिल भएपछि उनलाई विराटनगरबाट एयर एम्बुलेन्समार्फत काठमाडौं लगिएकोमा उनको शिक्षण अस्पतालमा निधन भयो ।
