संगालोखबर 
विराटनगर । आजबाट प्रतिनिधि सभाको बैठक सुरु हुँदैछ । आजको बैठकमा शीर्ष नेताहरूले सम्बोधन गर्दैछन् ।
श्रम संस्कृति पार्टीका अध्यक्ष हर्क साम्पाङले पनि संसदमा सम्बोधन गर्नेछन् । तर उनले समय थोरै दिइएको भन्दै सामाजिक सञ्जालमा असन्तुष्टि व्यक्त गरेका छन् ।
Advertisement
उनले ७ मिनेट समय दिइएको प्रति असन्तुष्टि व्यक्त गर्दै १ घण्टा ७ मिनेट बोल्न मन भएको उल्लेख गरेका छन् ।
‘७ मिनेट मात्रै बोल्न दिने भन्ने खबर आयो । ७ मिनेट होइन १ घण्टा ७ मिनेट बोल्न मन छ’ उनले लेखेका छन्, ‘देशको स्वाधीनता, सम्प्रभुता अनि नेपाली जनताको पीर व्यथा र विकासको आकांक्षालाई लिएर ।’
