संगालोखबर 
सुनसरी । सुनसरीको इनरुवा नगरपालिका-४ बस चोकबाट लागूऔषध ब्राउन सुगरसहित दुई जना पक्राउ परेका छन् । शनिबार साँझ लौकहीबाट पैदल इनरुवातर्फ आउँदै गरेका उनीहरूलाई प्रहरीले पक्राउ गरेको हो ।
पक्राउ पर्नेमा सुनसरी धरान-१५ का २२ वर्षीय मिलन तामाङ छन् । उनको साथबाट १ ग्राम ६८० मिलिग्राम ब्राउन सुगर बरामद गरिएको सुनसरीका प्रहरी प्रवक्ता डीएसपी चन्द्रबहादुर खड्काले जानकारी दिए ।
Advertisement
यस्तै झापाको अर्जुनधारा नगरपालिका-१० का ३३ वर्षीय सुवास राई १ ग्राम ८१० मिलिग्राम ब्राउन सुगरसहित पक्राउ परेका छन् । उनीहरूलाई जिल्ला प्रहरी कार्यालयमा राखेर आवश्यक अनुसन्धान सुरु गरिएको छ ।
