संगालोखबर 
विराटनगर । उद्योग संगठन मोरङले कोशी प्रदेशमा पहिलोपटक ‘होम बिल्ड एक्जिविसन’ गर्ने भएको छ । विराटनगरको जैन भवनमा चैत १२ देखि १६ गतेसम्म ‘होम बिल्ड एक्जिविसन’ गर्ने भएको हो ।
संघका अनुसार यसबाट नेपाली निर्माण सामग्री र सेवाहरूको प्रवर्द्धनसँगै नवप्रवर्तन र आधुनिक निर्माण अभ्यासमा जनचेतना फैलाउने अपेक्षा गरिएको छ ।
७५ भन्दा बढी स्टलहरू रहने एक्जिविसनमा आवास र भवन, प्रमुख निर्माण सामग्री, धारा-बाथरुम सामग्री, विद्युतीय सामग्री, फर्निचर, इन्टेरियर डिजाइन लगायतका नमूना राखिने जनाइएको छ ।
यसले व्यवसायी र उपभोक्ताबीचको प्रत्यक्ष संवादलाई सशक्त बनाउने आशा गरिएको छ ।
