संगालोखबर 
धनकुटा । धनकुटा बजारमा लाग्दै आएको साप्ताहिक बिहीबारे हाट निर्वाचनका कारण बन्द हुने भएको छ । भोलि हुने प्रतिनिधि सभा निर्वाचनको मतदान केन्द्र निर्धारण भएकाले हटिया बन्द हुने भएको हो ।
धनकुटा नगरपालिकाका प्रमुख प्रशासकीय अधिकृत दशरथ राईद्वारा जारी सूचनामा मतदान केन्द्र निर्धारण भएकाले हाट नलाग्ने उल्लेख गरिएको छ ।
धनकुटा नगरपालिका-५ कोप्चेस्थित ऐतिहासिक साप्ताहिक बिहीबारे हाट सय वर्षभन्दा पनि अघि सुरु भएको मानिन्छ । यस स्थानलाई जिल्लामा उत्पादन भएका कृषिजन्य उत्पादन बिक्री गर्ने मुख्य थलोका रूपमा लिइन्छ ।
