इटहरीमा ट्रकले ठक्कर दिँदा साइकलयात्रीको घटनास्थलमै मृत्यु

सुनसरी । सुनसरीको इटहरीमा ट्रकले ठक्कर दिँदा साइकलयात्रीको मृत्यु भएको छ । आज साँझ प्र १-०२-००२ ख ५९२ नम्बरको ट्रकले ठक्कर दिँदा अन्दाजी ३० वर्षीय पुरुषको घटनास्थलमै मृत्यु भएको हो ।

मृतकको पहिचान खुल्न बाँकी रहेको प्रहरीले जनाएको छ । शवलाई पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको छ । ट्रक चालक तेह्रथुमका दिलबहादुर मगरलाई प्रहरीले नियन्त्रणमा लिएको छ ।