संगालोखबर संवाददाता 
एजेन्सी, २७ असोज । ग्लोबल हंगर इन्डेक्समा भारतको स्थिती उत्तर कोरिया, म्यान्मार, श्रीलङ्का र बंगलादेशभन्दा पनि खराब भएको टाइम्स अफ इन्डियाले बताएको छ ।
Advertisement
संसारभरीका विकासशील देशमा भोकमरीको समस्यामा इन्टरनेशनल फूड पोलिसी रिसर्च इन्स्टिच्यूटको तर्फबाट केही समयअघि जारी गरिएको रिपोर्टमा १ सय १९ देशमा भारत सयौं नम्बरमा छ ।
एसियाली मुलुकमध्ये भारत अफगानिस्तान र पाकिस्तानभन्दा अगाडि छ । पछिल्लो वर्ष ९७ औं स्थानमा रहेको भारत यसवर्ष तीन स्थान ओरालो लागेको हो । बाल कुपोषणले यो स्थितीलाई थप बढाउन सहयोग गरेको उक्त रिपोर्टमा बताइएको छ ।
हंगर इन्डेक्स विभिन्न देशमा मानिसहरुले खानेकुरा कसरी र कति पाउँछन् त्यो देखाउने साधन हो ।
‘ग्लोबल हंगर इन्डेक्स’ को सूचांक हरेक वर्ष ताजा आँकडासहित सार्वजनिक गरिन्छ । यो सूचांकमार्फत विश्वभरी भोकमरी चलिरहेको अभियानको उपलब्धि र विफलतालाई दर्साउने गर्दछ ।
