संगालोखबर 
धनकुटा । धनकुटाबाट लागूऔषध ब्राउन सुगरसहित एक जना पक्राउ परेका छन् । पक्राउ पर्नेमा धनकुटा नगरपालिका-७ का ३० वर्षीय निर्मल पौडेल छन् ।
बिहीबार साँझ ७ बजे बसपार्कबाट जिरो प्वाईन्ट जाँदै गरेको प्रदेश नम्बर १-०२-०५८ प ४३८९ नम्बरको मोटरसाइकलमा सवार उनलाई शङ्का लागेर प्रहरीले चेकजाँच गरेको थियो ।
Advertisement
चेकजाँचका क्रममा हेल्मेटभित्र तीन वटा र मुखभित्र ६ वटा प्लाष्टिकको पोकामा एक ग्राम २४५ मिलिग्राम ब्राउन सुगर फेला परेको धनकुटाका प्रहरी प्रवक्ता डीएसपी राजन कार्कीले जानकारी दिए ।
पौडेललाई जिल्ला प्रहरी कार्यालय धनकुटामा राखिएको छ । उनका सम्बन्धमा थप अनुसन्धान भइरहेको प्रहरीले जनाएको छ ।
