संगालोखबर 
विराटनगर । कोशी प्रदेशमा बाढी पहिरो र डुबानमा परेर १४ जनाको मृत्यु भएको छ । शुक्रबारदेखि हालसम्म १४ जनाको मृत्यु भएको कोशी प्रदेश प्रहरी कार्यालय विराटनगरले जनाएको छ ।
निरन्तरको वर्षासँगै आएको बाढी, पहिरो र डुबानमा परेर आठ जना बेपत्ता भएका छन् भने १३ जना घाइते भएका छन् । इलाममा एक, पाँचथरमा पाँच, धनकुटामा दुई, उदयपुरमा एक र सोलुखुम्बुमा पाँच जनाको मृत्यु भएको हो ।
Advertisement
पाँचथरमा पाँच, धनकुटामा दुई, तेह्रथुममा एक, सङ्खुवासभामा एक, खोटाङमा दुई, ओखलढुङ्गामा एक र सोलुखुम्बुमा एक जना गरेर १३ जना घाइते भएका छन् ।
यसैगरी पहिरोमा पुरिएर चार जना र खोलाले बगाउँदा पाँचथरमा पाँच जना बेपत्ता भएका छन् । खोलाले बगाउँदा झापामा दुई, मोरङमा एक जना गरेर आठ जना बेपत्ता भएका छन् । उनीहरूको खोजी कार्य भइरहेको कोशी प्रदेश प्रहरी कार्यालयले जनाएको छ ।
बाढी, पहिरो र डुबानबाट कोशीमा पाँच सय ४२ घरपरिवार प्रभावित भएका छन् । बाढीले १३ स्थानको पुल तथा कल्भर्टमा क्षति पुर्याएको छ भने ५९ वटा बाटो अवरोध भएको छ ।
