संगालोखबर 
विराटनगर । निरन्तरको वर्षासँगै आएको बाढी र डुबानका कारण विराटनगरसहित मोरङका विभिन्न स्थानमा एक सय बढी परिवार विस्थापित भएका छन् । विराटनगर, कटहरी, रंगेली, धनपालथान र जहदाका एक सय बढी परिवार विस्थापित भएका हुन् ।
रंगेली नगरपालिका-२ लक्ष्मीपुरमा १६ र रंगेली नगरपालिका–९ मा २२ परिवार विस्थापित भएका प्रहरीले जनाएको छ । यस्तै विराटनगर महानगरपालिका-२ र कटहरी गाउँपालिका-१ मा पनि बाढीका कारण केही घर परिवार बिस्थापित भएका छन् । सिङ्घिया खोलामा आएको बाढीका कारण उनीहरू विस्थापित भएका हुन् ।
Advertisement
जहदा गाउँपालिका-१ धुनी टोलमा २५ घर परिवार डुबानका कारण बिस्थापित भएका छन् । यसैगरी धनपालथान गाउँपालिका-३ बेतौना टोलका २४ घरपरिवार विस्थापित भएका छन् । विस्थापित परिवारलाई सुरक्षित स्थानमा सारिएको प्रहरीले जनाएको छ ।
