भ्रष्टहरूद्वारा निर्मित सरकारलाई विश्वासको मत दिन सकिँदैन : गणेश उप्रेती

विराटनगर । नेकपा माओवादी केन्द्रले कोशी प्रदेशका मुख्यमन्त्री हिक्मतकुमार कार्कीलाई विश्वासको मत नदिने भएको छ ।

मुख्यमन्त्री कार्कीले प्रस्तुत गरेको विश्वासको मतको प्रस्तावमाथि दलका तर्फबाट बोल्दै गणेश उप्रेतीले भ्रष्टहरूद्वारा बनेको सरकारलाई विश्वासको मत दिन नसकिने बताए ।

अहिले निर्मित केन्द्र र प्रदेश सरकार नै भ्रष्ट रहेको उनले उल्लेख गरे । उनले भने, ‘यो भ्रष्टहरूद्वारा निर्मित सरकार हो । जनताद्वारा निर्मित सरकार हैन । हाम्रो तर्फबाट विश्वासको मत दिन सकिँदैन ।’

उनले कोशी प्रदेश सरकारमा सहभागि भएर पनि दुई दलबीच द्वन्द्व देखिनु गलत भएको उल्लेख गरे । उनले भने, ‘तपाईँहरू आफैँ झगडिया हुनुहुन्छ । कोही अनशन बस्नुहुन्छ । कोही सरकारमा सहभागि हुनुहुन्छ ।’