मोरङ । मोरङको बुढिगंगा गाउँपालिका–१ मिलचोकस्थित कोशी प्याकेजिङ कार्टुन फ्याक्ट्रीमा करेन्ट लाग्दा एक मजदुरको मृत्यु भएको छ । तेह्रथुमको छथर शुक्रबारे–५ घर भई सोही फ्याक्ट्रीमा कार्यरत २५ बर्षीय आकाश लिम्बूको मृत्यु भएको हो ।
शनिवार साँझ फ्याक्ट्री नजिकै जमेको पानीको खाल्डोमा करेन्ट लगाई माछा मार्ने क्रममा उनलाई करेन्ट लागेको बताइएको छ । करेन्ट लाग्दा उनी गम्भीर घाइते भएका थिए ।
Advertisement
उनलाई उपचारका लागि टंकिसिनवारीस्थित बिराट मेडिकल कलेज लगिएको थियो । अस्पतालमा उपचारकै क्रममा साँझ उनको मृत्यु भएको इलाका प्रहरी कार्यालय नेमुवाले जनाएको छ ।
