झापा । झापाको मेचीनगर नगरपालिका–६ स्थित मेचिपुलबाट लागुऔषध ब्राउन सुगरसहित एक जना महिला पक्राउ परेकी छिन् । पक्राउ पर्नेमा मेचीनगर–७ नयाँ बसपार्ककी २२ बर्षीया रोजिना आले खड्का छिन् ।
Advertisement
गएराती लागुऔषध नियन्त्रण ब्युरो काँकडभिट्टा र ईलाका प्रहरी कार्यालय काँकडभिट्टाबाट खटिएको टोली उनलाई पक्राउ गरेको हो । भारतबाट नेपालतर्फ आउँदै गरेकी खड्कालाई प्रहरीले चेकजाँच गर्ने क्रममा २ ग्राम ब्राउन सुगर बरामद गरेको छ ।
पक्राउ परेकी खड्काको विषयमा थप अनुसन्धान भइरहेको ईलाका प्रहरी कार्यालय काँकडभिट्टाले जनाएको छ ।
