तेह्रथुमबाट ब्राउन सुगरसहित एक जना पक्राउ

तेह्रथुम । तेह्रथुमको लालिगुराँस नगरपालिका–४ बसन्तपुरबाट लागुऔषध ब्राउन सुगरसहित एक जना पक्राउ परेका छन् । पक्राउ पर्नेमा टुटेदेउरालीका ३० बर्षीय राम गुरुङ छन् ।

विशेष सूचनाको आधारमा जिल्ला प्रहरी कार्यालय तेह्रथुमबाट खटिएको टोलीले उनलाई पक्राउ गरेको हो । प्रहरीले ना.४ ख ९२१० नम्वरको यात्रुबहाक बसमा चेकजाँच गर्ने क्रममा बसको बनोटमा लुकाइ राखेको अवस्थामा १ ग्राम ४४० मिलिग्राम ब्राउन सुगर बरामद गरेको हो ।

पक्राउ परेका गुरुङको विषयमा थप अनुसन्धान भइरहेको जिल्ला प्रहरी कार्यालय तेह्रथुमले जनाएको छ ।