धनकुटा । रक्षा मन्त्री मीनेन्द्र रिजाल शुक्रबार धनकुटा आउँने भएका छन् । धनकुटा सदरमुकाम र छथर जोरपाटी गाउँपालिकामा हुँने कार्यक्रममा सहभागि हुँन मन्त्री रिजाल धनकुटा आउँन लागेका हुन् ।
Advertisement
नेपाली कांग्रेसका केन्द्रिय सदस्यसमेत रहेका मन्त्री रिजाल बिहान ९ बजे धनकुटा आइपुग्ने कांग्रेस धनकुटाका सचिव बिजय सन्तोषी राईले जानकारी दिए । सचिव राईका अनुसार कांग्रेस धनकुटाले मन्त्री रिजालको सम्मानमा शुक्रबार बिहान ९ बजे जिल्ला पार्टी कार्यालयमा बधाई तथा शुभकामना आदानप्रदान कार्यक्रम आयोजना गरेको छ ।
विहान ११ बजे जोरपाटी बजारमा कांग्रेस छथर जोरपाटी पालिका कार्य समितिले आयोजना गरेको तिहार, छठ लगायत चाडपर्वको शुभकामना आदानप्रदान कार्यक्रममा पनि मन्त्री रिजाल सहभागि हुँनेछन् । त्यसपछि सिधुवामा नेपाली कांग्रेस छथर जोरपाटी वडा नं. ६ को वडा पार्टी कार्यालय मन्त्री रिजालले उद्घाटन गर्ने कार्यक्रम तय भएको कांग्रेस सचिव राईले जानकारी दिए ।
धनकुटाको तांखुवा पुर्खौली घर भएका रिजाल रक्षा मन्त्री बनेपछि पहिलो पटक धनकुटा आउँन लागेका हुन् । उनी धनकुटा आइपुगेका बेला समय मिलेमा पुर्खौली घरसमेत पुग्ने कार्यक्रम रहेको बताइएको छ ।
