संखुवासभा । संखुवासभाको मादी नगरपालिका–९ मा गाई काटेको आरोपमा छ जना पक्राउ परेका छन् । पक्राउ पर्नेमा मादी–९ का सुदीप लिम्बू, निखिल लिम्बू, मिलन गुरुङ, प्रेमबहादुर श्रेष्ठ, मनबहादुर लिम्बू र सुदीप दर्जी छन् ।
Advertisement
मादी–९ स्थित दमाई खोल्सामा गाई काट्दै गरेको अवस्थामा उनीहरुलाई पक्राउ गरिएको जिल्ला प्रहरी कार्यालय संखुवासभाका प्रहरी निरीक्षक शुभेष अधिकारीले बताए ।
पक्राउ परेको सबै जनामाथि गौवधसम्बन्धी मुद्दा चलाइएको प्रहरीले जनाएको छ । सो मुद्दामा तीन वर्षसम्म कैद सजाय हुने कानूनी व्यवस्था छ ।
