मोरङ । मोरङको बुढीगंगा गाउँपालिका–३ गोकुवा चोकस्थित कोशी लोकमार्गमा मोटरसाइकलको ठक्करबाट एक जना पैदलयात्रीको मृत्यु भएको छ । मृत्यु हुनेमा स्थानीय ५० बर्षीय बाल कुमार बस्नेत छन् ।
Advertisement
गएराती पौने ८ बजे उत्तरबाट दक्षिणतर्फ जाँदै गरेको प्र १–०२–०४५ प ६०८७ नम्बरको मोटरसाइकलले ठक्कर दिँदा बस्नेत घाइते भएका थिए । बिराट मेडिकल कलेजमा उपचारका क्रममा राती ९ बजे उनको मृत्यु भएको ईलाका प्रहरी कार्यालय नेमुवाले जनाएको छ ।
मोटरसाइकल चालक सुनसरीको ईटहरी–७ का २५ बर्षीय समराज्य चौधरीसमेत घाइते भएका छन् । सोही अस्पतालमा उनको उपचार भइरहेको छ भने मोटरसाइकल प्रहरीले नियन्त्रणमा लिएको छ ।
