उदयपुर । उदयपुरको चौदण्डीगढी नगरपालिका–८ स्थित बिरेन्द्र बजारमा आज आगलागी हुँदा पाँच वटा घर जलेर नष्ट भएका छन् । आगलागीबाट भरत राई, बाल बिक्रम राई, शिशिर गुरुङ, कृष्ण मगर र पदम कुमारी मगरको घर नष्ट भएको प्रहरीले जनाएको छ ।
Advertisement
विद्युत सर्ट भएर भरत राईको घरबाट आगो सल्केको थियो । आगलागीबाट काठले बनेका र टिनको छाना भएका घरहरु जलेर नष्ट भएका हुन् । साथै पार्किङ गरेर राखेको ट्याक्टर र एउटा मोटरसाइकलसमेत जलेको छ ।
इलाका प्रहरी कार्यालय बेलटारबाट खटिएको टोलीले आगो नियन्त्रणमा लिएको छ । घर, अन्नपात र भाँडा वर्तन नष्ट हुँदा करिव १ करोड बराबरको क्षति भएको प्रहरीले जनाएको छ ।
