ओखलढुंगा । ओखलढुंगामा छिमेकीबिच झगडा हुँदा एक जनाको मृत्यु भएको छ । मृत्यु हुँनेमा खजिदेम्बा गाउँपालिका–१ आरुबोटका ६० बर्षीय महेस कुमार खड्का छन् ।
Advertisement
गएराती पौने ९ बजे खड्का र स्थानीय ५० बर्षीय प्रेम बहादुर सुनुवारबिच झगडा भएको थियो । मादक पदार्थ सेवन गरेका उनीहरुबिच कुटाकुट हुँदा सुनुवारको कुटाइबाट खड्काको घटनास्थलमै मृत्यु भएको जिल्ला प्रहरी कार्यालय ओखलढुंगाले जनाएको छ ।
सुनुवारले खड्काकै घरमा गएर कुटपिट गरेको प्रहरीको भनाई छ । झगडामा सुनुवारसमेत घाइते भएका छन् । स्थानीय क्लिनिकमा उपचारपछि उनलाई प्रहरीले नियन्त्रणमा लिएको छ ।
