उदयपुर । उदयपुरको कटारी नगरपालिका–११ हर्देनी भीरमाथि टिकटक बनाउने क्रममा लड्दा आज एक जनाको मृत्यु भएको छ । मृत्यु हुँनेमा धरान–५ का १८ बर्षीय सुभास परियार छन् ।
Advertisement
धरानबाट ओखलढुङगातर्फ जाँदै गरेको ना १ च ३३७० नम्बरको सुमो बिहान पौने १० बजे हर्देनी भीरमाथि सडकमा बिग्रिएको थियो । सोही सुमोमा सवार सुभास सुमोबाट ओर्लिएर भीरमा टिकटक बनाउँदै थिए ।
टिकटक बनाउने क्रममा भीरबाट लड्दा उनी गंभीर घाइते भएका थिए । उपचारको लागि कटारी अस्पताल लैजाने क्रममा बाटोमै उनको मृत्यु भएको जिल्ला प्रहरी कार्यालय उदयपुरले जनाएको छ ।
