धनकुटा । कोरोना संक्रमण तीव्र रुपमा फैलन थालेपछि धनकुटाका फेन्सी व्यवसायीहरुले आजदेखि व्यवसाय बन्द गर्ने निर्णय गरेका छन् । धनकुटा फेन्सी व्यवसायी संघको आज बिहान बसेको पदाधिकारी बैठकले दिउँसो १२ बजेदेखि अर्को सूचना जारी नभएसम्मका लागि बजारका फेन्सी व्यवसायहरु बन्द गर्ने निर्णय गरेको हो ।
संघले व्यवसाय बन्द गरेर सचेत र सुरक्षित तवरले रहन फेन्सी व्यवसायीहरुलाई आग्रह पनि गरेको छ । धनकुटामा करिव ६० वटा फेन्सी पसल सञ्चालित छन् । संघको निर्णयसँगै अधिकांश फेन्सी पसल बन्द भएको संघका सचिव तिलक बहादुर महतले जानकारी दिए ।
Advertisement
धनकुटामा पछिल्लो समय कोरोना संक्रमण तीव्र रुपमा फैलदै गएको छ । आज मात्रै धनकुटाका १८ जनामा कोरोना संक्रमण पुष्टि भएको छ ।
