बेलबारीमा बाली शिविर, चार सयबढी कृषक लाभान्वित

बेलबारी । बेलबारी नगरपालिकाका कृषकहरुले लगाएका बालीमा देखिएका समस्याको समाधान गर्ने उदेश्यकाले नगरपालिकाले बाली शिविर सञ्चालन गरेको छ । बाली शिविरबाट चार सयभन्दा बढी कृषक लाभान्वित भएका छन् ।

कारोनाको महामारीबिच नगरपालिकाले वडा–वडामा गएर बाली शिविर सञ्चालन गरेको थियो । कृषि अनुसन्धान केन्द्र तरहराबाट प्राविधिकहरुको टोलि बोलाएर बाली परीक्षण गरिएको नगरपालिकाको कृषि विकास शाखाका प्रमुख बिनोद दाहालले जानकारी दिए ।

उनका अनुसार शिविरमा खाद्यान्न बाली, तरकारी, फलफुल लगायतमा लाग्ने रोग तथा किराहरुको पहिचान, रोकथाम, नियन्त्रण सम्बन्धि परामर्श गरिएको हो । बाली शिविर बेलबारीका १, २, ३, ४ र ५ नंम्बर वडामा सञ्चालन गरिएको थियो ।