सोलुखुम्बु । सोलुखुम्बुको सोताङ गाउँपालिका–१ बाट तीन थान भरुवा बन्दुकसहित एक जनालाई प्रहरीले पक्राउ गरेको छ । शनिवार बेलुका ७ बजे पावै सामुदायिक बनबाट भरुवा बन्दुकसहित स्थानीय ३४ बर्षीय दिलबहादुर भनिने गंगा बहादुर गिरीलाई प्रहरीले पक्राउ गरेको हो ।
जंगलमा शिकार खेल्न गएको सूचनाका आधारमा प्रहरी चौकी वाकुबाट खटिएको प्रहरी टोलीले उनलाई पक्राउ गरेको हो । उनको साथबाट तीन थान भरुवा बन्दुक, बन्दुकमा प्रयोग हुने करिव ८ सय ग्राम बारुद, फलामको टुक्रा १ किलो, टर्च लाईटमा प्रयोग हुने ब्याट्री ७ थान, लाइटर १ थान, केप १ थान, मोबाइल २ थान र १० मिटर तारसमेत बरामद भएको छ ।
Advertisement
घटनामा अन्य ४ जनासमेत संलग्न रहेको र उनीहरुको खोजी भइरहेको जिल्ला प्रहरी कार्यालय सोलुखुम्बुले जनाएको छ ।
