उदयपुर । उदयपुरबाट लागुऔषध ब्राउन सुगरसहित आज एक जना पक्राउ परेका छन् । त्रियुगा नगरपालिका–११ का ३० बर्षीय गोकर्ण कार्की ब्राउन सुगरसहित पक्राउ परेका हुन् ।
Advertisement
दिउँसो करिव साढे १० बजे बिशेष सूचनाका आधारमा खटिएको प्रहरी टोलीले उनलाई २ ग्राम १० मिलिग्राम ब्राउन सुगरसहित पक्राउ गरेको हो । त्यस्तै उनको साथबाट तौल नाप्ने डिजीटल मेशिन १ थान, बिभिन्न कम्पनीका मोबाईल १० वटा र ९ वटा सिमकार्डसमेत फेला परेको जिल्ला प्रहरी कार्यालय उदयपुरले जनाएको छ ।
उनी गत माघ १६ गतेदेखि ब्राउन सुगर बिक्री बितरण मुद्धाको फरार प्रतिवादीसमेत रहेको प्रहरीको भनाई छ ।
