झापा । झापाको बिर्तामोड नगरपालिका–६ बुट्टाबारी स्थित पूर्व–पश्चिम राजमार्गमा आज बिहान मोटरसाइकल दुर्घटना हुँदा चालकको मृत्यु भएको छ । दुर्घटनामा परी मोटरसाईकल चालक अर्जुनधारा ५ बैसाबारीका ३८ बर्षीय रामकान्त चौधरीको मृत्यु भएको हो ।
पूर्वतर्फ जाँदै गरेको मे १ ख २६२७ नम्बरको बसलाई सोही दिशाबाट जाँदै गरेको मे ४ प ६७४८ नम्बरको मोटरसाईकलले ओभर ट्याक गर्ने क्रममा बसमा ठोक्कियो । बसमा ठोक्किएर अनियन्त्रित भएको मोटरसाइकललाई बिपरीत दिशाबाट आउँदै गरेको ना ४ ख ७२८९ नम्बरको ट्रकले ठक्कर दिएको प्रहरीले जनाएको छ ।
Advertisement
दुर्घटनामा परी घाइते भएका चौधरीलाई उपचारका लागि विर्तामोडस्थित बीएण्डसी अस्पताल पुयाईएको थियो । अस्पताल पुर्याउँनासाथ उनको मृत्यु भएको ईलाका प्रहरी कार्यालय अनारमनीले जनाएको छ ।
घटनापछि ट्रक र ट्रक चालक ईलाम देउमाई ६ रक्सेका ४२ बर्षीय निमा शेर्पा तथा बस र बस चालक मोरङ उर्लाबारी ४ का ३० बर्षीय खड्कबहादुर भुजेललाई प्रहरीले नियन्त्रणमा लिएको छ ।
