विराटनगर । प्रदेश १ मा आज २० जना कोरोना संक्रमित थपिएका छन् । मोरङमा १०, झापामा ६ र सुनसरीमा ४ जना कोरोना संक्रमित थपिएको सामाजिक विकास मन्त्रालयले जनाएको छ ।
Advertisement
प्रदेश १ मा १ सय ९५ जनाको पीसीआर परीक्षण गर्दा ७ महिला र १४ पुरुषको रिपोर्ट पोजिटिभ आएको हो । जसमध्ये १ जना प्रदेश १ बाहिरका पनि छन् । मन्त्रालयका अनुसार मोरङको विराटनगरमा ६, पथरीशनिश्चरे, सुन्दरहरैंचा, केराबारी र स्थानीय तह नखुलेका १–१ जना, झापाको दमकमा ४, विर्तामोड र भद्रपुरमा १–१, सुनसरीको धरानमा २, इटहरी र दुहवीमा १–१ जनामा संक्रमण देखिएको छ ।
योसँगै प्रदेश १ मा हालसम्म कोरोना संक्रमण पुष्टि हुँनेको संख्या ३० हजार ४ सय ३८ पुगेको छ । प्रदेश १ मा हालसम्म २ लाख ३२ हजार ९ सय ५३ जनाको पीसीआर परीक्षण भएको छ ।
