झापा । झापाको बुद्धशान्ति गाउँपालिका–३ सात नम्बर चौकस्थित मेची हाईवेमा गएराती बोलेरो पिकअपको ठक्करबाट पैदलयात्रीको मृत्यु भएको छ । राती साढे ८ बजे उत्तरतर्फ जाँदै गरेको मे १ च ६४१३ नम्बरको बोलेरो पिकअपको ठक्करबाट पैदलयात्रीको मृत्यु भएको हो ।
Advertisement
मृतकको तत्काल पहिचान खुलेको छैन । ठक्करबाट घाइते भएका करिब ४० बर्षीय पुरुषलाई उपचारका लागि विर्तामोडस्थित बीएण्डसी अस्पताल लगिएको थियो । अस्पताल पुर्याउँनासाथ उनको मृत्यु भएको जिल्ला प्रहरी कार्यालय झापाले जनाएको छ ।
ठक्कर दिने बोलेरो र चालक मेचिनगर–३ बाहुनडाँगीका ५४ बर्षीय चुनचुन सन्तोष राईलाई प्रहरीले नियन्त्रणमा लिएको छ ।
