संखुवासभा । संखुवासभाको धर्मदेवी नगरपालिका–४ मा आज यात्रुबाहक बस दुर्घटना हुँदा १५ जना घाइते भएका छन् । मादी नगरपालिकाबाट धरानतर्फ जाँदै गरेको को १ ख २८२४ नम्बरको बस दोभान रिसोर्ट नजिक दुर्घटना भएको हो ।
Advertisement
गुल्म नम्बर ४ सशस्त्र प्रहरी बल चैनपुर र इलाका प्रहरी कार्यालय चैनपुरबाट खटिएको प्रहरी टोलीले घाइतेको उद्धार गरेर उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाएको छ ।
बस सडकबाट बीस मिटर तल खसेको संखुवासभाका प्रहरी नायब उपरीक्षक विशाल सिलवालले जानकारी दिए ।
