पाँचथर । पाँचथर याङबरक गाउँपालिका–३ ओयाम यलम्बर चौकमा आज बिहान जीप दुर्घटना हुँदा चालकको मृत्यु भएको छ । एक जना घाइते भएका छन् ।
Advertisement
बिहान ६ बजे फिदिमबाट च्याङथापुतर्फ जाँदै गरेको मे १ ज ३५६ नम्बरको जिप रोडबाट करिब २ सय मिटर तल खस्दा जीप चालक फिदिम नगरपालिका–२ पल्लोटारका ३६ बर्षीय फुल कुमार राईको मृत्यु भएको हो ।
दुर्घटनामा परी चालक राई गंभीर घाइते भएका थिए । उपचारका लागि जिल्ला अस्पताल पुर्याइएका उनको उपचारकै क्रममा राती पौने १० बजे मृत्यु भएको हो ।
जीपमा सवार स्थानीय २२ बर्षीय आषिस राई घाइते भएका छन् । झापाको विर्तामोडस्थित बीएण्डसी अस्पतालमा उनको उपचार भइरहेको जिल्ला प्रहरी कार्यालय पाँचथरले जनाएको छ ।
